DIVERSITÉIT
DIVERSITÉIT
©LMIH
- D’Stad Lëtzebuerg huet den Access City Award 2022 gewonnen, organiséiert vun der Europäescher Kommissioun a Kollaboratioun mam Europäesche Forum fir Behënnerter fir hir Leeschtungen a Saache Barrièrefräiheet fir Behënnerter
- Laut dem Statec ass Lëtzebuerg dat eenzegt Land an Europa, wou de Gender Pay Gap ëmgedréint ass, d’Frae gi besser bezuelt wéi d’Männer. Dëst mécht Lëtzebuerg zu enger Ausnam an Europa
- Laut engem Index vum World Economic Forum, deen dräi Indicateure vun der wirtschaftlecher Entwécklung vun engem Land moosst, nämlech de Wuesstem, d’Inklusioun an d’Gerechtegkeet tëschend de Generatiounen, ass Lëtzebuerg déi 3. inklusiivst Ekonomie op der Welt
- Lëtzebuerg ass e multilinguale Land. Laut enger Ëmfro vum Service national de la jeunesse (SNJ) ginn zu Lëtzebuerg 124 verschidde Sprooche geschwat. Laut dem Statec schwätzen d’Residenten am Duerchschnëtt 2,2 Sproochen. Eng Etude vum Ministère fir National Bildung weist, datt 98% vun der Bevëlkerung Franséisch schwätzen, 80% Englesch, 78% Däitsch a 77% Lëtzebuergesch (2018)
- Laut Eurostat huet Lëtzebuerg den héchste Prozentsaz un Immigranten: 47,2% vun der Gesamtbevëlkerung sinn net-lëtzebuergesch. Duerch dëst gëtt d’Land ëmmer méi kosmopolitesch (2023)
- Laut dem Statec zielt Lëtzebuerg ongeféier 180 Nationalitéiten. Déi meescht vertruede sinn d’Portugisen, déi 14,5% vun der Gesamtbevëlkerung ausmaachen (2021)
- Laut dem Statec, si 47 % vun den Aarbechter zu Lëtzebuerg keng Residenten, mee Grenzgänger déi haaptsächlech aus Frankräich, aus der Belsch an aus Däitschland kommen. Nëmmen 25 % vun den Aarbechter zu Lëtzebuerg hunn déi lëtzebuergesch Nationalitéit (2023)
- Fir d’lëtzebuergesch Betriber ass Diversitéit e wichtege Sujet, wéi d’Zuel vun den Ënnerschreiwer vun der Charte de la Diversité beweist