Iwwerbléck

• 61 % vun de Befrote ginn un, datt si Lëtzebuerg kennen, dovu 86 %, datt si hir Kenntnisser iwwer d’Land als mëttel bis héich aschätzen
• Vun de Persounen, déi d’Land kennen, hunn 32 % Lëtzebuerg schonn eng Kéier besicht, virun allem aus touristesche Grënn (80 %), gefollegt vu beruffleche Grënn (26 %) a private Grënn (Besuch bei engem Frënd oder engem Familljemember, 20 %)

Spontan Associatiounen

Déi spontan Associatioune vun de Brasilianer sinn déi follgend:

• Europäescht Land (17 %) ;
• Klengt Land / schéint Land (16 %) ;
• Räicht Land (13 %).

Um Niveau vum Image

• Funktionell Dimensioun: D’Brasilianer bewäerten d’Kompetitivitéit vum Land, seng Ausbildungsméiglechkeeten, seng Attraktivitéit als Aarbechtsplaz souwéi d’Qualitéit vu senge Produkter an Déngschter ganz positiv
• Normativ Dimensioun: Lëtzebuerg gëtt als e solidarescht a verantwortungsbewosst Land ugesinn, dat sech fir nohalteg Entwécklung an déi zukünfteg Generatiounen asetzt
• Kulturell Dimensioun: Lëtzebuerg gëtt fir de Räichtum vu senger Geschicht a sengen Traditiounen unerkannt
• Natierlech Dimensioun: Eng grouss Majoritéit vun de Befroten ass der Meenung, datt Lëtzebuerg schéi Landschaften ze bidden huet
• Emotional Dimensioun: 74 % vun de Brasilianer beschreiwe Lëtzebuerg als e faszinéierend Land

Verhalensfacteuren

• 81 % vun de Befrote géife gär enges Daags op Lëtzebuerg reesen
• 70 % géife gär do liewen a schaffen
• 72 % géife gär lëtzebuergesch Produkter oder Déngschter kafen
• 71 % ginn un, datt si wëlles hunn, sech positiv iwwer Lëtzebuerg auszedrécken

Implikatiounen

• Et ass wichteg, d’Bekanntheet vu Lëtzebuerg ze erhéijen.
• Besonnesch d’Dimensioun „Normen an Ethik“ (Solidaritéit, Multikulturalitéit, Aussepolitik) soll weider gestäerkt ginn. Dës Dimensioun kritt ganz gutt Bewäertungen a stellt e wichtege Facteur fir den Image vu Lëtzebuerg duer. Si ze stäerke wäert also dozou bäidroen, dat positiivt Image vum Land weider ze stäerken.