Iwwerbléck

• 65 % vun de Befrote ginn un, Lëtzebuerg ze kennen, dovu schätze 75 % hire Kenntnisstand als mëttel bis gutt an
• Ënnert de Persounen, déi Lëtzebuerg kennen, hu 35 % d’Land schonn eng Kéier besicht, virun allem aus touristesche Grënn (66 %), gefollegt vu private Grënn (Besuch bei engem Frënd oder Familljemember, 28 %) a beruffleche Grënn (20 %)

Spontan Associatiounen

Déi wichtegst spontan Associatioune vun de Befrote sinn:

• Klengt Land (36 %)
• Räicht Land (15 %)
• Europa (13 %)

Um Niveau vum Image

• Funktionell Dimensioun: D’Befrote bewäerten d’Attraktivitéit vum Land als Aarbechtsplaz ganz positiv a gesi Lëtzebuerg als en attraktive Standuert fir innovativ Start-ups an aner Entreprisen
• Normativ Dimensioun: Lëtzebuerg gëtt als en oppent, frëndlecht a multikulturellt Land ugesinn
• Kulturell Dimensioun: Lëtzebuerg gëtt fir de Räichtum vu senger Geschicht unerkannt an, an engem méi klengem Ausmooss, fir d’Kreativitéit vu senger kultureller Zeen
• Natierlech Dimensioun: Lëtzebuerg gëtt als e Land mat schéine Landschaften ugesinn
• Emotional Dimensioun: 63 % vun den Ire gesi Lëtzebuerg als e sympathescht Land un

Verhalensfacteuren

• 75 % vun de Befrote géifen enges Daags gären op Lëtzebuerg reesen
• 47 % géifen hei gäre liewen a schaffen
• 63 % géife gäre lëtzebuergesch Produkter oder Déngschtleeschtunge kafen
• 62 % ginn un, datt si wëlles hunn, sech positiv iwwer Lëtzebuerg auszedrécken

Implikatiounen

• Et ass wichteg, d’Bekanntheet vu Lëtzebuerg ze erhéijen
• Besonnesch déi natierlech Dimensioun (schéi Landschaften, erhalenen Natur, asw.) soll verstäerkt ginn, well si de stäerksten Imagefaktor duerstellt