Iwwerbléck

• 67 % vun de Befrote ginn un, Lëtzebuerg ze kennen (dovu soe 76 %, datt si eng mëttel bis héich Kenntnis vum Land hunn).
• Vun deene Persounen, déi d’Land kennen, hunn 41 % et scho besicht, virun allem aus touristesche Grënn (70 %), gefollegt vu private Grënn (Besuch bei engem Frënd oder engem Familljemember, 44 %) a beruffleche Grënn (18 %).

Spontan Associatiounen

Déi spontan Associatioune bezéien sech virun allem op d’Bild:

• vun engem Land mat enger grousser portugisescher Communautéit (22 %);
• vun engem räiche Land (19 %).

Um Niveau vum Image

Am Allgemenge ginn déi véier bewäerte Dimensioune vun de portugisesche Befrote ganz positiv ageschat.

• Funktionell Dimensioun: D’Portugise bewäerte besonnesch d’Kompetitivitéit an d’Ausbildungs- a Weiderbildungsméiglechkeeten, déi Lëtzebuerg bitt, ganz positiv.
• Normativ Dimensioun: Lëtzebuerg gëtt als solidarescht a verantwortungsbewosst Land ugesinn, dat sech fir den Ëmweltschutz souwéi fir de Fridden an d’Mënscherechter asetzt.
• Kulturell Dimensioun: Lëtzebuerg ass fir de Räichtum vu senger Geschicht a sengen Traditioune bekannt.
• Natierlech Dimensioun: D’Befrote verbanne Lëtzebuerg mat schéine Landschaften an enger gréisstendeels erhalener Natur.
• Emotional Dimensioun: 71 % vun de portugisesche Befrote beschreiwe Lëtzebuerg als sympathescht Land.

Verhalensfacteuren

• Déi grouss Majoritéit vun de portugisesche Befrote (82 %) géif gär eng Kéier op Lëtzebuerg reesen.
• 66 % géifen hei gär wunnen a schaffen.
• 73 % géife gär lëtzebuergesch Produiten oder Déngschtleeschtunge kafen.
• 74 % ginn un, datt si virhunn, sech positiv iwwer Lëtzebuerg ze äusseren.

Konsequenzen

• Et ass wichteg, de Bekanntheetsgrad vu Lëtzebuerg ze erhéijen an d’Dimensioun „Kultur“ (Kreativitéit, kreativ Kulturzeen, Traditiounen a Geschicht) ze stäerken. Obwuel dës Dimensioun manner gutt bewäert gëtt, ass si e wichtegen Aspekt fir den Image vum Land.
• Donieft wier et sënnvoll, d’Dimensioun „Normen an Ethik“ (Solidaritéit, Engagement fir zukünfteg Generatiounen an Ëmweltschutz) nach méi staark ervirzehiewen.