Iwwerbléck

• A Kanada gëtt Lëtzebuerg ëmmer méi bekannt: 51 % vun de Befrote ginn un, d’Land ze kennen (15 % ganz gutt, 57 % mëttelméisseg an 29 % e bëssen).
• 26 % vun deenen, déi d’Land kennen, hunn et scho besicht, haaptsächlech aus touristesche Grënn (74 %), dono aus private Grënn (Besuch vun engem Frënd oder Familljemember, 34 %) an aus geschäftleche Grënn (16 %).
• 32 % erënnere sech drun, an de Medien Informatiounen iwwer Lëtzebuerg gesinn ze hunn.

Spontan Associatiounen

An de spontanen Associatioune vun de Kanadier dominéiert d’Iddi vun:

• engem klenge Land (19 %),
• engem Land mat eenzegaartegen an internationale kulturellen Atouten (13 %),
• engem Land mat wonnerschéine Landschaften (13 %),
• an engem Land mat Wuelstand (13 %).

Um Niveau vum Image

• Kulturell: Déi kulturell Diversitéit, d’Lëtzebuerger Gastronomie an de Patrimoine (UNESCO) fanne besonnesch vill Uklang bei engem kanadesche Publikum, deem de Multikulturalismus wichteg ass.
• Funktional: D’Fuerschung, den Ekosystem vun de Startuppen an d’Work-Life-Balance gi positiv wouergeholl an entspriechen de kanadeschen Erwaardungen.
• Natur: D’Landschaften an d’Flëss zéien d’Touristen un, kënnen awer d’Perceptioun vu Beruffsméiglechkeete bremsen.
• Normativ/eethesch: Wäerter ewéi Fridden, Oppenheet géintiwwer den Auslänner an den Ëmweltschutz ginn unerkannt, spillen awer bei emotionalen Image nëmmen eng ënnergeuerdent Roll.

Verhalensfacteure

• Um Niveau vum Verhalen ass de Fait fir positiv iwwer Lëtzebuerg ze schwätzen haaptsächlech un normativ Wäerter gebonnen, dorënner besonnesch d’Wichtegkeet, déi dem Fridden an der Oppenheet géintiwwer vun Auslänner bäigemooss ginn.
• D’Kafabsichte fir lëtzebuergesch Produite beroue méi op funktionale Facteuren, woubäi der Stabilitéit an dem wëssenschaftlechen a fuerschungsorientéierte Profil vum Land eng wichteg Roll zoukënnt.
• D’Reesmotivatioune bleiwe staark vun den Atoute vun der Natur beaflosst, besonnesch Flëss a Landschaften.
• A wat schliisslech d’Unzéiungskraaft fir Talenter ugeet, gëtt d’Kultur — Traditiounen a Geschicht — ëmmer méi wichteg an entwéckelt sech zu engem entscheedenden Hiewel.

Fazit

Et ass wichteg, d’Atoute vun der Natur mat enger urbaner Erzielung ze verbannen, déi sech op d’Beruffsméiglechkeete konzentréiert („Karriär an der Stad, Natur direkt virun der Hausdier“) an dat geschäftsfrëndlecht Klima, d’Exzellenz an der Fuerschung an den Engagement fir nohalteg Entwécklung ervirzehiewen.