Ech sinn … eng Ambassade Ech wëll … en Evenement oder Projet organiséieren

D’SIGNATUR VU LËTZEBUERG

Aus engem wichtege partizipative Prozess eraus gebuer, stellt d’Signatur vu Lëtzebuerg d’Wäerter vun Offenheet, Dynamik an Zouverlässegkeet vun eisem Land duer. Si besteet aus dem Logotyp LuXembourg an dem Wuert Lëtzebuerg mam Symbol X – an der Invitatioun Let’s make it happen. An e puer spezifesche Fäll kann d’Signatur benotzt ginn ouni d’Invitatioun Let’s make it happen.

Als offiziell Representatioun vu Lëtzebuerg hutt Dir d’Méiglechkeet, d’Signatur vu Lëtzebuerg isoléiert (kuckt d’grafesch Charta) oder am Co-Branding mat Ärer eegener visueller Identitéit ze benotzen (roude Léiw vun der Regierung). Et sollt awer bemierkt ginn, datt am Fall vun engem Co-Branding d’Benotzung vun der Signatur an der visueller Identitéit vun der Regierung net op derselwechter sichtbarer Säit vun engem Kommunikatiouns- oder Promotiounsmaterial gemaach gëtt. Dat heescht, datt déi zwee Elementer mussen op verschidde Säite vun engem Support stoen (ewéi z. B. d’Viischt- an d’Récksäit vun engem Depliant). Dir fannt d’Regele fir d’Benotzung vun der Signatur am Co-Branding op den erofgeluede Fichen hei ënnen.

D’SYMBOL X

D’Symbol ass dat wichtegst Element vun der Signatur vu Lëtzebuerg.
Et ënnersträicht d’Lëtzebuerger Wäerter a Prioritéiten: d’Feiler representéieren d’Dynamik, mat där Lëtzebuerg Projeten ugeet, d’Kreativitéit vun de Secteuren beschleunegt an d’Innovatioun fërdert andeems se sech stänneg erneiert. D’Orientéierung vun de Feiler no baussen an no banne stellt d’Oppenheet duer, mat där se d’Leit aus alle Beräicher vum Liewen verbënnt a federéiert, d’Diversitéit fërdert a sech fir en humanistescht Europa asetzt. Schlussendlech kreéieren den Equiliber an d’Form eng Positioun, déi Stabilitéit garantéiert an d’Zouverlässegkeet vun de resultéierende Bezéiungen an Allianzen duerstellt, d’Nohaltegkeet vun hiren Handlungen an hirer Visioun fir eng besser Welt, iwwer hir national Interessen eraus.

D’MATRIX

D’Matrix gëtt geformt andeems Dir d’Symbol X duplizéiert. Dir kënnt si als begleedend grafescht Element benotzen, entweder integral oder duerch d’Ënnerdeelung no uewen.

D’TYPOGRAFIE

Déi bevorzugt Typographie ass d’Police Verlag,t well et d’Originalschrëft vun der Signatur ass (Logo an Invitatioun).
Wann Dir aus engem oder anere Grond d’Police Verlag net kritt oder benotzt, ass déi aner bevorzugt Police Calibri, déi Dir an allen Office-Programmer (Word, Excel, Power Point) oder gläichwäerteg fannt.

D’INVITATIOUN

D’Invitatioun bestet aus dem Satz Let’s make it happen. Si resuméiert selwer d’Visioun vu Lëtzebuerg: déi vun engem engagéierten Acteur op der internationaler Bün, engem staarken Alliéierten am Kader vum nohaltege Wuesstem, engem Facilitateur vun innovativen Iddien, déi zu enger besserer Welt bäidroe kënnen. Dat Wuert „it“ erënnert virun allem op alles, wat Lëtzebuerg der Welt wëll bréngen: méi Kreativitéit, méi Diversitéit a méi Nohaltegkeet.
Dir kënnt d’Invitatioun ouni d’Wuert LuXembourg benotzen, als grafescht oder illustrativt Element, an de Faarwen rout, blo, schwaarz oder wäiss (Negativ).

D’SYMBOLER

E Visuel aus Symboler X ze entwerfen oder d’Symbol X an e Visual ze integréieren erlaabt Iech, verschidden Informatiounen ze illustréieren a gläichzäiteg koherent an Ärer visueller Kommunikatioun ze bleiwen.

DE SCHNËTT

Är Fotoen a Form vun engem Feil ze schneiden, en integralen Deel vum Symbol X, erlaabt Iech eng dynamesch Sprooch ze entwéckelen an Är visuell Kommunikatioun ze perfektionéieren.

D’FOTOEN

Thematesch Fotoen stinn Iech zur Verfügung, déi déi verschidde Gesiichter vu Lëtzebuerg weisen, nämlech Kultur, Geschicht, Wirtschaft, Gesellschaft, Natur, Aktivitéiten asw., oder Fotoen, déi formell d’Symbol „ X “ enthalen.

DE FEIL

D’Feiler si Bestanddeeler vum Symbol X, déi rout a blo Pfeiler si geduecht fir Är visuell Kommunikatioun ze dynamiséieren.

D’PIKTOGRAMMER

D’Piktogrammer si figurativ Zeechnungen, déi Themen reflektéieren. Si erlaaben Iech, Message symbolesch ze vermëttelen ouni d’Sprooch ze benotzen a gläichzäiteg koherent an Ärer visueller Kommunikatioun ze bleiwen.

D’INFOGRAFIKEN

D’Infografiken erlaaben Iech, Är Informatioun op eng zougänglech a lëschteg Manéier ze illustréieren, wärend Dir konsequent an Ärer visueller Kommunikatioun bleift.

D’FAARWEN

D’Signatur ass dräifaarweg. Rout a blo am Symbol X representéieren déi national Faarwen a ginn ergänzt duerch schwaarz fir d’Textelementer.

D’EMOXIEN

Dës Emojie ginn „ EmoXie “ genannt. Et ass eng Allusioun op den „ X “ vun der Signatur vu Lëtzebuerg. Si bidden Iech d’Méiglechkeet fir Äre Messagen e „ lëtzebuergeschen “ Touch ze ginn esou déi verschidde Facette vum Land spilleresch duerzestellen.