Iwwer ons

Demarche

Fir déi eng ass Lëtzebuerg nach ëmmer en onbekannt Land, fir déi aner eng virgefaassten Iddi. Mee wann een d’Geschicht vu Lëtzebuerg kennt, säi progressiivt Engagement um europäeschen an internationale Plang, d’Verantwortung a Solidaritéit, déi d’Land a Saachen Entwécklungshëllef a Migratioun un den Dag leet, wann een déi aktuell Strategie vu senge verschiddene Secteure liest an d’Efforte gesäit, déi all Dag a punkto nohalteg Initiativen a gesellschaftlecht Engagement gemaach ginn, gëtt däitlech, datt Lëtzebuerg e multikulturellt, äusserst oppent an dynamescht Land ass, dat op d’Besoine vun der Welt ageet a sech, am Respekt vun ökologesche Grenzen a sozialer Gerechtegkeet, fir eng méi nohalteg Welt asetzt.

Knowhow ass déi eng Saach. Ze weisen, datt een es huet, eng aner.

Eis Missioun ass et, mat a fir Iech Lëtzebuerg an der ganzer Welt bekannt ze maachen.

Inspiring, connecting all players and promoting Luxembourg abroad, in order to bring Luxembourg to the world and the world to Luxembourg.

Historique

D’Fro vun der Promotioun vu Lëtzebuerg am Ausland ass eng Debatt, déi op d'1990er Joren zréckgeet, wou de Besoin fir eng koordinéierte Handlung opkoum, fir esou den Image vum Land ze valoriséieren an d’Promotioun besser ze strukturéieren.
Am Hibléck op déi vill Acteuren, déi an der d’Promotioun vu Lëtzebuerg am Ausland aktiv sinn, geet et drëm, Kommunikatiounsoutilen z’entwéckelen, déi et erméiglechen, koherent Messagen ze vermëttelen, am Aklang mat der Positionéierung vu Lëtzebuerg op der internationaler Bün.

2013

Am Joer 2013 gouf d’Markepromotioun lancéiert am Aussen- an Europaministère. Ënnert der Leedung vun engem interministeriellen an interinstitutionelle Comité soll d’Initiativ Strategië virschloen an ëmsetzen, fir d’Promotioun vu Lëtzebuerg ze fërderen.

« Des valeurs positives véhiculées par l’image du Luxembourg seront établies et utilisées par les différents acteurs et dans les campagnes médiatiques officielles pour lesquelles le gouvernement mettra à disposition les moyens nécessaires. » Extrait vun der Säit 35 vum Programme gouvernemental 2013-2018

D’Viraussetzung fir eng authentesch, glafwierdeg an iwwerzeegend Kommunikatioun ass eng kloer Definitioun vun deem, wat d’Lëtzebuerger „Perséinlechkeet“ a Stäerkten ausmécht.

2014 - 2015

Dës Reflexioun gëtt unhand vun engem partizipative Prozess duerchgeféiert, enger Approche, déi d’Schlësselelement vun der ganzer Demarche ass, déi 2013 vun der Regierung initiéiert gouf.

Op Basis vun Ëmfroen, individuelle Gespréicher, Diskussiounsgruppen esou wéi enger Biergerconsultatioun iwwer eng Online-Plattform entstinn no an no d’Referenzwäerter vum Land, nämlech déi, datt Lëtzebuerg en dynamescht, oppent an zouverlässegt Land ass.

Als Spigelbild vun dësen dräi Wäerter gouf den Archetyp vum Alliéierten ermëttelt, fir d’Perséinlechkeet vu Lëtzebuerg ze definéieren.

Déi selwecht partizipativ Approche gouf fir d’Entwécklung vun der neier visueller Identitéit vu Lëtzebuerg applizéiert, déi 2016 entwéckelt an dem Public presentéiert gouf.

2016 - 2018

An den éischten zwee Joer haten d’Richtlinne vum Comité fir d’Promotioun vum Image vu Lëtzebuerg d’Zil, d’Erkenntnisser, déi duerch Messagen, Aktiounen a Koordinatiounsaarbechten um nationalen Territoire gewonne goufen, ze notzen, fir den Identifikatiounsprozess vun de Lëtzebuerger Awunner ze stäerken an d’Acteuren an der Promotioun vu Lëtzebuerg zesummenzebréngen.

« Les efforts de promotion de l’image de marque du Luxembourg à travers la stratégie « Nation Branding » seront poursuivis. » Extrait vun der Säit 222 vum Programme gouvernemental 2013-2018.

2019 - 2020

Vun 2019 u gi Consultatiounen an deem partizipative Sënn duerchgeféiert, deen d’Initiativ zënter hirer Grënnung am Joer 2013 charakteriséiert. D’Zil ass, d’Perceptioun vun der Initiativ bei de Bedeelegten ze evaluéieren an den Impakt vun der Initiativ op den Image am Ausland ze moossen. Dat Ganzt féiert zu der Publicatioun vun enger neier Strategie.

Strategie

Déi nei Strategie fir d’Promotioun vum Image vu Lëtzebuerg, déi aus de Kontributioune vun de verschiddenen Acteure vun der Promotioun vu Lëtzebuerg ervirgaangen ass, gouf 2021 lancéiert.

D’Strategie gouf den 2. Juni 2021 vum Regierungsrot validéiert a setzt de Mënsch an de Mëttelpunkt. Hiert Zil ass et, d’Wäerter an d’Gesiichter vu Lëtzebuerg bekannt a beléift ze maachen a fir hir Wäertschätzung ze suergen.

D’Strategie beliicht d’Wäerter, déi Lëtzebuerg, iwwer seng Interessien eraus, der Welt brénge kann, a proposéiert déi follgend Visioun:

Eis Visioun ass et, de Positionnement vu Lëtzebuerg als engagéierten Acteur op der internationaler Bün, als staarken Alliéierten am Kontext vum nohaltege Wuesstem, als Vermëttler vun innovativen Iddien, déi zu enger besserer Welt bäidroe kënnen, ze sécheren.

Änlech wéi en nohaltege systeemesche Kader definéiert d’Strategie dräi prioritär Theemen, déi déi verschidde weesentlech Aspekter vun der Entwécklung vum Land am Gläichgewiicht hale sollen. Dës prioritär Theeme baséieren op den dräi Referenzwäerter vu Lëtzebuerg, déi schonn definéiert goufen. Den Narrativ ass sengersäits vun dësen dräi prioritären Theemen ofgeleet.

D’Strategie gëtt begleet vum Dokument mam Titel Call to action, dat d’Fundamenter leet fir den Aktiounsplang 2021–2025 vun der Promotioun vum Image vu Lëtzebuerg.

Kuckt oder luet hei d’Strategie an d’Grondlage vum Aktiounsplang 2021-2025 erof.

2023 - 2024

No der Formatioun vun der neier Regierung am November 2023 ass et de Wirtschaftsministère, dee sech ëm déi interministeriell Missioun vun der Promotioun vum Image vu Lëtzebuerg këmmert a villfälteg Aktivitéiten entwéckelt, fir d’Promotioun vu Lëtzebuerg an der Welt ze inspiréieren a méi einfach ze maachen.

« Il est essentiel de poursuivre les efforts en matière de promotion de l’image de marque du Luxembourg afin de devenir plus attractif pour les partenaires étrangers. Le pays devrait ainsi continuer à attirer les investissements, les entreprises et les touristes, et promouvoir les échanges culturels. »

Extrait (S. 25) aus dem Regierungsprogramm 2023–2028 (FR).

Organisatioun

De Comité LMIH

De Comité proposéiert d’Haaptrichtlinne fir d’Fërderung vum Image vu Lëtzebuerg a setzt se ëm. Zënter senger Grënnung am Joer 2013 verfollegt de Comité eng partizipativ Approche, déi all d’Acteure vun der Gesellschaft a seng Demarche abezitt.

De Comité, deen elo Comité LMIH genannt gëtt (a Bezuch op d’Ufanksbuschtawe vum Slogan Let’s Make It Happen), besteet aus Vertrieder vu Ministèren a Verwaltungen, sektorielle Promotiounsagencen, Beruffschamberen an aus weideren institutionelle Partner:

D'Consultativ Memberen

Am eisen Aarbechtsgruppe schaffe mir mat villen Acteuren aus dem ëffentlechen a private Secteur an der Zivilgesellschaft zesummen.

An dësem Prozess vun der Consultatioun an dem Austausch ënnerscheede mir zwou Zorte vun Acteuren: déi, déi aktiv an der Promotioun vu Lëtzebuerg involvéiert sinn, an déi, deenen hir Missioun e staarkt Argument fir d’Promotioun vu Lëtzebuerg ass, zum Beispill de Ministère fir Mobilitéit an ëffentlech Aarbechten, aus der Siicht vum Gratistransport.

All Acteuren ze nennen, déi zënter dem Ufank zu der Entwécklung vun der Initiativ bäigedroen hunn, wier onméiglech. Déi heiten Acteure waren um Ausschaffe vun der neier Strategie an dem Aktiounsplang, deen den 2. Juni 2021 vum Regierungsrot validéiert gouf, bedeelegt:

D'Ekipp LMIH

Déi operationell Ekipp vu LuXembourg – Let’s Make It Happen besteet am Ament aus zéng Leit a befaasst sech am Wirtschaftsministère mat der Promotioun vum Land. D’Aufgab vum LMIH-Team ass et, „d’Acteuren ze inspiréieren an ze koordinéieren an den Image vu Lëtzebuerg am Ausland ze fërderen.“

Als Vermëttler koordinéiert dës Eenheet de Comité fir d’Promotioun vun der Image de marque, begleet grouss international Promotiounsaktiounen an entwéckelt eng ganz Rei vu Synergië mat den Acteuren, déi den Image fir Lëtzebuerg virubréngen.

D’Unitéit proposéiert sechs Servicer: