Visuellen Universum
Logo
D’Signatur – Logo mat Invitatioun
D’Signatur vu Lëtzebuerg besteet aus dem Logotyp LuXembourg – d’Wuert „Luxembourg“ mam Symbol X – an aus der Invitatioun Let’s make it happen.
Firwat d’Invitatioun Let’s make it happen? Si resuméiert selwer d’Visioun vu Lëtzebuerg: déi vun engem engagéierten Acteur op der internationaler Bün, engem staarken Alliéierten am Kader vum nohaltege Wuesstem, engem Facilitateur vun innovativen Iddien, déi zu enger besserer Welt bäidroe kënnen. Dat Wuert „it“ erënnert virun allem un alles, wat Lëtzebuerg der Welt wëll bréngen: méi Kreativitéit, méi Diversitéit a méi Nohaltegkeet.
De Logo an d’Invitatioun kënnen net getrennt ginn. D’Zesummesetzung ass fest a kann net geännert ginn. Dës Versioun vum Logo mat der Invitatioun Let’s make it happen ass déi privilegiéiert Versioun fir Promotiounsaktiounen fir Lëtzebuerg.
D’Signatur ass dräifaarweg. Et ginn awer och zwou monochrom Varianten: e Monochrom wäiss negativ an e Monochrom schwaarz. Op schwaarzen, donkelen, faarwegen Hannergrënn oder op Fotoe kann d’Signatur an enger monochrom wäiss negativer Versioun benotzt ginn. Déi monochrom schwaarz Versioun op wäissem Hannergrond ka geholl ginn, wann technesch Grënn et verlaangen.
Logo ouni Invitatioun
D’Signatur kann och ouni d’Invitatioun Let’s make it happen geholl ginn. Dës Applikatioun ass recommandéiert fir Situatiounen, wou de Slogan als onpassend ugesi ka ginn (zum Beispill fir sensibel Kommunikatiounen) oder wou offiziell Reegele seng Notzung limitéieren (zum Beispill Reegele vu weltwäite Sportsfederatiounen).
Speziell Uwendung
Exklusiv fir däitschsproocheg Uwendungen gëtt et eng speziell Form vum Logo, an där d’Wuert „Lëtzebuerg“ un déi däitsch Schreifweis ugepasst ass.
Struktur an Exklusiounsberäich
D’Kombinatioun an d’Proportiounen vun de Logoelementer si fest a sollen net geännert ginn.
Den Exklusiounsberäich ass de Mindestspalt tëscht engersäits der Signatur an anerersäits den anere visuellen Elementer esouwéi dem Rand vum benotzbare Raum. En entsprécht engem Spalt vun „2L“ op all Säit, woubäi en „L“ der Héicht vum Buschtaf „L“ vum Logo entsprécht. Dëse Mindestspalt muss agehale ginn, sou datt d’Signatur kloer a liesbar bleift.
Gréissten
De Logo mat der Invitatioun däerf net manner wéi 3 cm breet sinn. Et gëtt keng Héchstlimit vun der Gréisst.
De Logo ouni d’Invitatioun däerf net manner wéi 2 cm breet sinn.
Positionéierung
A4
De Logo soll wéi follegt op déi verschidde Kommunikatiounssupporte plazéiert ginn:
BRÉIF A4
PRESSECOMMUNIQUÉ A PRESSEDOSSIER A4
DIPLOM A4
ANNONCE A4
A5
BROSCHÜR A5
DÉPLIANT & INVITATIOUN
KOMPLIMENT KAART
VISITTEKAARTEN
A6
KAART A6
Formater fir Publizitéit
REKLAMMSFORMAT PORTRAIT
REKLAMMSFORMAT LANDSCHAFT
AUSSTELLUNGSSTAND
HANNERGRONN
ROLL-UP
Faarwen
D’Signatur ass dräifaarweg. Rout a blo am Symbol X representéieren déi national Faarwen a ginn ergänzt duerch schwaarz fir d’Textelementer.
Wa méiglech, soll d’Faarfversioun vun der Signatur op engem wäissen Hannergrond geholl ginn.
Et ginn awer och zwou monochrom Varianten: eng monochrom wäiss an eng monochrom schwaarz. Op schwaarzen, donkelen, faarwegen Hannergrënn oder op Fotoe kann d’Signatur an enger monochrom wäiss negativer Versioun oder am wäissen mam Symbol X faarweg benotzt ginn (wann d’Liesbarkeet et erlaabt). Déi monochrom schwaarz Versioun op wäissem Hannergrond ka geholl ginn, wann technesch Grënn et verlaangen.
Verbuede Versiounen
Fir eng kohärent Presentatioun vu Lëtzebuerg am Ausland ze garantéieren, mussen all grafesch Reegelen agehale ginn. Fannt hei ënnen déi verschidde verbuede Versioune vum Gebrauch vun der Signatur vu Lëtzebuerg:
Déi eenzel Elementer vun der Signatur Lëtzebuerg kënnen net an hire Proportiounen oder an hirer Positioun een zum anere geännert ginn.
Et ass verbueden, Elementer ze huelen, déi vun der Signatur vu Lëtzebuerg ofgetrennt sinn.
D’Invitatioun kann net geännert ginn.
D’Faarfversioune vun der Signatur Lëtzebuerg kënnen net kombinéiert ginn.
D’Signatur vu Lëtzebuerg kann net an en Ausdrock integréiert ginn.
D’Signatur vu Lëtzebuerg kann net op en Hannergronn gesat ginn, deen net genuch Kontrast bitt.
D’Signatur vu Lëtzebuerg kann net verzerrt, kompriméiert oder gestreckt ginn.
Grafesch Effekter vun iergendenger Aart sinn net erlaabt.