Partnerschaften

Fir d’LuXembourg Collection auszeschaffen, si mir reegelméisseg op der Sich no lokale Produzenten, Handwierker a Kënschtler, déi gewëllt sinn, en interessant Produkt fir d’Kollektioun ze entwéckelen a bereet, si bäizedroen fir de Know-how, d’Wäerter an d’Prioritéiten (Kreativitéit, Diversitéit, Nohaltegkeet) vu Lëtzebuerg an der Welt bekannt ze maachen.

D’LuXembourg Collection besteet haaptsächlech aus Artikele fir ze verschenken, déi „ e Stéck Lëtzebuerg“ representéieren. Esou kréie Vertrieder vu Ministèren, Ambassaden an LTIOen (Lëtzebuerger Handels- an Investitiounsbüroen) eis Saachen als Kaddoe bei hiren offiziellen Auslandsvisitten. D’Kollektioun ass och geduecht fir Visiteure vu Lëtzebuerg, déi no engem Souvenir sichen. Donieft sinn och d’Awunner vu Lëtzebuerg, déi e representative Kaddo vun hirem Land wëlle maachen, och Deel vun de Cliente vun der LuXembourg Collection. Schlussendlech kann d’Kollektioun och Institutiounen, Firmen oder Associatiounen dengen, déi Lëtzebuerg op internationalen Evenementer promovéiere wëllen.

Nieft der LuXembourg Collection besteet d’Méiglechkeet, ofgeleet Produkter ze entwéckelen. De Begrëff „ofgeleet“ bezitt sech hei op all kommerziell a Promotiounsprodukt op deem en EmoXie steet. Fir d’Lëscht vun den Emoxies ze consultéieren, klickt hei.

Wéi all aner Artikel an der LuXembourg Collection, muss och all ofgeleet Produkt Deel vun enger lokaler, nohalteger, inklusiver a kontextualiséierter Approche sinn a muss virdru vun eise Servicer validéiert ginn.