Messagen

Zil

Fir déi positiv Perceptioun ze verstäerken, fir eventuell Virurteeler z’iwwerwannen oder einfach fir engem di éischte Kéier Lëtzebuerg virzestellen: loosst eis d'Land besser kenneléieren, andeems mir seng Authentizitéit, seng Dräidimensionalitéit, seng Geschicht, säi Patrimoine, seng Wäerter an dofir och d’Aktiounen an d'Leit déi se verkierperen, ervirhiewen.

Visioun

Eis Visioun beliicht wat Lëtzebuerg, iwwer seng Interessen eraus, der Welt brénge kann.

Wäerter

Wat mir sinn

Am Kader vun engem ëmfangräiche participative Prozess, deen tëscht 2014 an 2015 stattfonnt huet, huet eng Reflexioun iwwer d’Stäerke vu Lëtzebuerg et méiglech gemaach, d’Qualitéite vun eisem Land – déi eis Referenzwäerter sinn – duerzestellen. Si kënnen an dräi Wierder zesummegefaasst ginn : dynamesch, oppen an fiabel.

Dynamesch

Lëtzebuerg huet sech am Laf senger Geschicht ëmmer erëm nei erfonnt. Vun engem Agrarland gouf et eng Industriemuecht, duerno eng Gesellschaft vun Déngschtleeschtungen. Haut engagéiert d'Land sech mat Iwwerzeegung fir Zukunftssecteure wéi d'Fuerschung, déi digital Technologien a de Weltraumsecteur. Et manifestéiert dee selwechten Dynamismus an der Kultur, an de kreativen Industrien, der Initiativ vun der Solidaritéitswirtschaft wéi och an der Kreeslafwirtschaft.

©LMIH/Frank Muno

Oppen

D’Ëffnung no baussen ass e Schlësselelement vum Lëtzebuerger Gesellschaftsmodell. Lëtzebuerg huet sech ëmmer fir e vereenegt an oppent Europa agesat, dat duerch Toleranz a Solidaritéit charakteriséiert ass. D'Entwécklungszesummenaarbecht ass ee vun de Piliere vu senger Aussepolitik. Als kosmopolitesch Kräizung am Zentrum vun Europa ass Lëtzebuerg en internationalen Treffpunkt, e richtege Schmelztiegel vun Nationalitéiten, Kulturen a Sproochen.

©Alfonso Salgueiro

Fiabel

Lëtzebuerg ass en Acteur, op deen ee vertraue kann: e wirtschaftlech a politesch stabilt Land, wou et sech gutt liewe léisst. Dëst weist sech och an der Qualitéit vun der ëffentlecher Infrastruktur, vum Gesondheets- a Sozialversécherungssystem an dem Ëmweltpatrimonie. D'Stabilitéit spigelt sech an der Mentalitéit vu senge Bierger erëm. Déi schätzen hir Traditiounen, kultivéieren de Konsens a favoriséiere Léisungen, déi sech an eng nohalteger Logik aschreiwen.

©LCTO

Dës dräi Referenzwäerter bilden d’Essenz vun eisem Land, personaliséiert duerch d’Figur vum Alliéierten. D’Wäerter stinn och am Aklang mat der Visioun vum Acteur, deen op der internationaler Bün engagéiert ass, vum staarke Partner am Kader vum nohaltege Wuesstem, engem Partner mat innovativen Iddien, déi zu enger besserer Welt bäidroe kënnen.

Prioritéiten

Wat mir wëllen

Op Basis vun dëse Referenzwäerter – wat mir sinn – goufen 2021 dräi prioritär Themen definéiert – wat mir wëllen erreeche – fir der Welt ze weisen, wéi ee Wee Lëtzebuerg wëll goen an a wéi eng Ressourcen d'Land sech an deenen nächste Joer engagéiert, secteuriwwergräifend z’investéieren.
Et ginn dräi prioritär Themen, déi direkt op de Referenzwäerter baséieren: D’Kreativitéit, d’Diversitéit an d’Nohaltegkeet.

Op Basis vum Wäert „dynamesch“ illustréiert d’Kreativitéit engersäits déi dynamesch Entwécklung vun der Wirtschaft an der Gesellschaft, d'Opkomme vun neie Secteure wéi Fuerschung an Innovatioun an op der anerer Säit d’Fäegkeet vu Lëtzebuerg, sech stänneg nei ze erfannen.
Donieft ëmfaasst d’Kreativitéit e wichtege Secteur, dee reellt Potenzial fir d’Promotioun vu Lëtzebuerg am Ausland duerstellt, an zwar dee vun der Kultur an dem kreative Secteur.

©LMIH/Sabino Parente

Baséierend um Wäert „oppen“ fënnt d’Diversitéit sech an zwee charakteristeschen Aspekter vun der Evolutioun vu Lëtzebuerg erëm. Dëst ass engersäits de wirtschaftlechen a finanziellen Aspekt duerch d’Diversifikatioun vu sengen Aktivitéitssecteuren, Servicer a Produit’en.

Op der anerer Säit geet et ëm d’Diversitéit vun der Bevëlkerung, d’Konzept vum Zesummeliewen, de sozialen Zesummenhalt an de Prinzip vun der Inclusioun, wou et dorëms geet, den Eenzele mat aneren a Verbindung ze bréngen an ze hëllefen, jidderengem déi selwecht Chancen a Rechter ze garantéieren, onofhängeg vu senger ethnescher Hierkonft, senger kultureller oder reliéiser Zougehéieregkeet, sengem soziale Status, sengem Alter, senger sexueller Orientéierung, senger Gesondheet oder senger Behënnerung.

©Pit Reding

Op Basis vum Wäert „fiabel“ ass d'Nohaltegkeet d’Haaptprioritéit vu Lëtzebuerg.

Si fënnt sech an alle Secteuren erëm, vun der Kooperatioun bis zu de Finanzen an der Verdeedegung. Si reflektéiert och den Engagement vun eisem Land fir op eng konkret Manéier zum Erreeche vun de 17 nohaltegen Entwécklungsziler bäizedroen, déi vun den 193 Memberstaaten vun der UNO festgeluecht goufen an déi am Agenda 2030 verankert goufen.

©LMIH/Alfonso Salgueiro

Narrativ

Wéi erzielt een eis Geschicht am Bäschten?

Den Narrativ gouf entworf als Presentatioun, déi et erlaabt all Acteure vun der Promotioun vu Lëtzebuerg mateneen ze verbannen, a jidderengem genuch Plaz fir seng eegene sektoriell Spezifizitéiten ze loossen, an erméiglecht et, Lëtzebuerg am Liicht vu senge Wäerter a Prioritéiten ze erzielen.

Als Bindestréch tëscht gëschter a muer, ass den Narrativ déif an eiser Kultur an an eiser Geschicht verwuerzelt, a gëtt eis d’Méiglechkeet, déi verschidde Charakteristike vun eiser Identitéit mateneen ze verbannen an eis Zukunftsvisioun auszedrécken.

E berout also och direkt op eisen dräi Prioritéiten:

D’Noutwendegkeet vun engem authentesche Positionnement, d’Wichtegkeet vu Soft Factors wéi Connectivitéit, Sproochen, Schoulen, Aktivitéiten asw., déi d’Land bitt, den Afloss vun der Geschicht op eis Identitéitsentwécklung an déi grouss aktuell gesellschaftlech an ëmweltpolitesch Froen hunn eis dozou beweegt, dësen Narrativ aus dem Ursprong an der Geschicht vun der Lëtzebuerger Bevëlkerung ze zéien. Wat Lëtzebuerg schonn ëmmer charakteriséiert huet, ass seng Relatioun zum Buedem…

Am Zesummenhang mat eisen dräi identifizéierte Prioritéite bedeit d’Approche vum Cultivateur, datt Lëtzebuerg e Land ass, dat villes erliichtert fir méi :

Ofhängeg vun de secteurspezifesche Besoinen, kann dësen Narrativ och modulär benotzt ginn, via dei verschidde Moduler, déi op d’Vergaangenheet, d’Géigewaart an d’Zukunft axéiert sinn. Als Beispill sinn hei Aspekter genannt, déi e jee no gewënschtem zäitlechen Akzent, entwéckele kann:

Expressiounen

D'Verben kultivéieren a säin engleschen Equivalent grow illustréieren d’Approche vum Cultivateur am Beschten an erméiglechen Declinaisounen, déi de ganze Spektrum vun Argumenter aus de verschiddene Secteure vun der Promotioun vu Lëtzebuerg ofdecken.

Et muss ënnerstrach ginn, datt et ëmmer ëm e vernënftegen an nohaltege Wuesstem geet, am Aklang mat de Grondsätz, déi am Kapitel ZIL stinn.

Sloganen

D’Approche vum Cultivateur – op Englesch: the grower’s mindset – gëtt hei an enger net exhaustiver Lëscht vu Sloganen duergestallt déi als Propositioune fir Titelen, Ënnertitelen an Ophänkert fir Äert Promotiounsmaterial vu Lëtzebuerg dénge kennen.

ENGLESCH

FRANSÉISCH

Wëllt dir méi Informatiounen iwwert de Gebrauch an d’Exklusivitéit vun dëse Slogane ?

Kontaktéiert eis.